Google ADS

Kriza në Siri: Sulmet ajrore qeveritare vrasin 23 civilë

22:15 | 26 Nëntor 2017
Trina Galanxhi

Të paktën 23 persona janë vrarë nga sulmet ajrore të kryera nga trupat qeveritare në një enklavë të mbajtur nga rebelët në periferi të Damaskut.

Observatori Sirian për të Drejtat e Njeriut (SOHR) në Angli ka deklaruar se disa qytete në Ghouta Lindore janë goditur edhe nga zjarri i artilerisë, transmeton portali arbresh.info

Ndërkohë, mediat shtetërore të Sirisë kanë theksuar se katër persona janë plagosur në një sulm raketash në zonën Al-Midan të Damaskut.

Asnjë nga këto dy raporte nuk është verifikuar në mënyrë të pavarur.

Observatori ka cituar burimet e saj dhe ka theksuar se në mesin e viktimave ka edhe fëmijë.

Më shumë se 120 njerëz janë vrarë qëkur ushtria siriane filloi ofensivën e saj në enklavën rebele para dy javësh./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm